ACADAR está a desenvolver o programa ACTIVA-DAS: “Claves para o empoderamento das mulleres con discapacidade e persoas do colectivo LGTBI”.

Este programa desenvólvese grazas aos fondos do 0,7 % do IRPF, de todas aquelas persoas contribuíntes que na declaración da renda marcaron a X Solidaria. Este proxecto está cofinanciado pola Xunta de Galicia, a través dos fondos do 0,7 % do IRPF, e xestionado por COGAMI como entidade coexecutora.

ACADAR está a desenvolver obradoiros específicos dirixidos a mulleres con discapacidade en Santiago de Compostela, nos que participan 14 mulleres.

O obxectivo principal destes obradoiros é fomentar o empoderamento persoal e social das participantes, promovendo a autoestima, a autonomía, a participación activa e a igualdade de oportunidades. Ademais, búscase crear espazos seguros de encontro, apoio mutuo e aprendizaxe compartida.

Este proxecto reafirma o compromiso de ACADAR coa igualdade de oportunidades, o empoderamento e a inclusión activa das mulleres con discapacidade en todos os ámbitos da sociedade.