Dende ACADAR, estáse a desenvolver o Programa ACTIVA-DAS: “Claves para o empoderamento das mulleres con discapacidade”, unha iniciativa orientada a fortalecer a autonomía, a participación social e o benestar das mulleres con discapacidade en Galicia.

Este programa lévase a cabo grazas aos fondos procedentes do 0,7 % do IRPF, achegados por todas aquelas persoas contribuíntes que marcaron o cadro 106 de “Actividades de interese xeral consideradas de interese social”, coñecido como X Solidaria, e que son xestionados pola Xunta de Galicia. Trátase dun proxecto cofinanciado pola Xunta de Galicia e xestionado por COGAMI.

Estas semanas, ACADAR está a desenvolver obradoiros de empoderamento dirixidos a diferentes grupos de mulleres con discapacidade en Santiago de Compostela, ademais dos realizados previamente en Lalín e Silleda. En total, 35 mulleres participaron nestas accións formativas, que teñen como finalidade potenciar capacidades persoais, promover a igualdade e reforzar espazos seguros de encontro, aprendizaxe e apoio mutuo.