Mochilas Lilas. Programa para a prevención da violencia de xénero é un proxecto formativo, dirixido ao alumnado de Educación Infantil e Primaria da provincia de Pontevedra, que este ano celebrou a súa sexta edición.

Tivo como obxectivo principal identificar e erradicar as distintas formas de violencia cara as nenas e mulleres con discapacidade na provincia de Pontevedra. Outros obxectivos do Programa foron:

• Mellorar a detección temperá da violencia cara as nenas e mulleres con discapacidade a través da promoción de relacións baseadas no respecto e a igualdade entre o alumnado.
• Promover e sensibilizar sobre a igualdade de xénero, a igualdade de oportunidades e a prevención da violencia entre o alumnado.
• Posibilitar e fomentar a integración e participación de todo o alumnado asistente aos obradoiros.
• Facilitar a información sobre os recursos e ferramentas de cara á posibles situacións de violencia de xénero.

En total, 202 estudantes de Vigo, Gondomar e Tui foron as persoas beneficiarias de este proxecto. Moitas grazas a todos os centros que amosaron interese e participaron!