Novas

18/07/2023 10:48:58
  • 2023

Por quinto ano consecutivo, ACADAR ten en marcha este programa dirixido a mulleres en situación de vulnerabilidade grazas ao financiamento da Consellería de Promoción do Emprego e Igualdade, a través da Secretaría Xeral da Igualdade e do Fondo Social Europeo Plus no marco do Programa FSE+ Galicia 2021-2027, entre os meses de xaneiro e agosto.

ENRÉDATE nace da necesidade de promover a igualdade das mulleres con discapacidade, especialmente, daquelas que viven en zonas pouco poboadas, xa que as limitacións por parte  da comunidade impiden o seu desenvolvemento persoal e social. Con este fin , préstase un  servizo de atención personalizada e especializada para mulleres con discapacidade de Arzúa, Lousame, A Estrada, Curtis, Melide, Ordes e Santa Comba.

A través do Programa ENRÉDATE, trabállase tanto de forma individual como grupal, co obxectivo de potenciar as capacidades e competencias das participantes para o desenvolvemento dunha vida autónoma.