Para este ano 2020, ao igual que anos anteriores, dende ACADAR poñemos en marcha o proxecto formativo VIO7: Ver para Erradicar, en colaboración coa Deputación de Lugo.

Este proxecto vai dirixido ao alumnado de Educación Secundaria Obrigatoria e Bacharelato co obxectivo de promover as relacións igualitarias entre o alumnado participante da provincia de Lugo.

Dada a excepcional situación provocada pola COVID-19, ademáis de seguir levando a cabo as actividades formativas nos centros de forma presencial sempre e cando sexa posible, reformulouse a actividade para ofertar, tamén de balde, a formación online a través da plataforma Moodle.

Con material teórico e audiovisual, ademais de casos prácticos, procurarase seguir traballando na identificación e erradicación das distintas formas de violencia cara as mulleres, facendo fincapé na discapacidade.

O material estará dividido en cinco módulos:

1. Conceptos básicos en igualdade, xénero e discapacidade
2. Contextualización da violencia machista
3. Violencia cara as nenas e mulleres con discapacidade
4. Recursos: prevención e afrontamento da violencia de xénero
5. Linguaxe inclusiva como ferramenta de cambio

A duración estimada para esta formación online é de 15 horas, con todo o material dispoñible ata o 20 de decembro.

Para as persoas que completen con éxito a formación e o desexen, poderán dispoñer dun diploma que acredite a superación do curso.

O único requisito para inscribirte é que o teu centro de estudos se atope na provincia de Lugo.

Son prazas limitadas, anímate!

Podes inscribirte cubrindo o seguinte formulario:

https://docs.google.com/forms/d/1-FbWBxf4IBvDnF77MwFtm5nu8X1D8c4QlEZ6HcqIr6g

Para máis información:

674073092 ou formacion@acadar.org