🌸 Obradoiros de emprego e saúde para mulleres con discapacidade

O mércores 16 de setembro realizamos o último dos obradoiros desenvolvidos no marco do proxecto “Emprego e Saúde a través do Empoderamento”, coa colaboración do Concello de Lugo.

Nesta última sesión, centrada nas técnicas e habilidades para a comunicación, contamos tamén coa colaboración do Grupo Amador de Improvisación Teatral Lugués @improdutivas.

O obradoiro abordou diferentes técnicas e ferramentas de comunicación orientadas a facilitar unha procura de emprego máis eficaz, así como ao desenvolvemento de habilidades persoais e relacionais.

✨ Unha oportunidade para aprender, experimentar e desenvolver novas habilidades!

Ao longo do proxecto tamén se desenvolveron outros obradoiros:

• Empoder(arte): orientado a mellorar o coñecemento dunha mesma, o autoconcepto e a autoestima das participantes.
   
• Regul(arte): para adquirir estratexias de autorregulación, aprender a identificar o que sentimos e comprender a súa influencia nas decisións que tomamos.
   
• Aumento da conciencia corporal: centrado no desenvolvemento de habilidades e exercicios de relaxación e atención plena para abordar dificultades e conflitos.
   
• Ximnasia adaptada: achegando de maneira práctica o deporte e o exercicio, adaptados ás necesidades, posibilidades e características das participantes, co obxectivo de fomentar o benestar físico e emocional e mellorar a calidade de vida.
   
• Prevención e promoción da saúde mental: orientado a reducir factores de risco e fomentar factores de protección para a saúde mental, abordando cuestións como o estrés e a ansiedade.

Foron unhas sesións moi produtivas e satisfactorias. Grazas a todas as mulleres que participaron e se animaron a formar parte deste proxecto! 🌸