Outro ano máis, levamos a cabo o proxecto EMPREGO E SAÚDE A TRAVÉS DO EMPODERAMENTO en colaboración co Concello de Lugo. Este ano realizáronse 6 obradoiros durante o mes de setembro que foron dirixidos a mulleres con discapacidade da localidade lucense.

Os obradoiros tiveron diversas temáticas orientadas a fomentar o desenvolvemento e/ou adquisición das habilidades persoais, sociais e prelaborais das mulleres con discapacidade do concello de Lugo. A rasgos xerais, os obradoiros levados a cabo foron sobre:

1. Creación de grupo e comunicación
2. Expresión corporal
3. Tipos de violencia cara ás mulleres
4. Manexo das TIC na procura de emprego.
5. Sexualidade
6. Autocoidado e autoestima

Dende ACADAR queremos agradecer ao Concello de Lugo a súa implicación e colaboración, así como ás 20 mulleres que participaron nos obradoiros. Grazas!